ಇತ್ತೀಚೆಗೆ ನನ್ನ ಗೆಳತಿಯೊಬ್ಬಳಿಗೆ ಮದ್ವೆಯಾಗಿದೆ. ಆಕೆಗೆ ಮಾಡರ್ನ್ ಡ್ರೆಸ್ ಗಳೆಂದರೆ ಮೊದಲಿನಿಂದಲೂ ಇಷ್ಟ. ಆದರೆ ಮದ್ವೆಯಾದ ಮೇಲೆ ಆಕೆಯ ಆತ್ತೆ ಈಕೆ ಸೀರೆಯನ್ನೇ ಉಡಬೇಕೆಂಬ ಆಜ್ಞೆ ವಿಧಿಸಿದ್ದಾರೆ. ಅದಕ್ಕೆ ತಿರುಗಿ ಮಾತಾಡಿದ ಸೊಸೆಯನ್ನು ಕಂಡರೆ ಈಗ ಅತ್ತೆಗೆ ಅಷ್ಟಕ್ಕಷ್ಟೆ. ಗಂಡನೂ ತಾಯಿಯೊಂದಿಗೆ ಹೊಂದಿಕೊಂಡು ಹೋಗೆಂದು ಹೇಳುತ್ತಾನೆಯೇ ಹೊರತು ಹೆಂಡತಿಯನ್ನು ಸಪೋರ್ಟ್ ಮಾಡಲ್ಲ.ಇಲ್ಲಿ ತಪ್ಪು ಯಾರದ್ದು?
ಇನ್ನೊಬ್ಬ ಗೆಳತಿ. ನನ್ನ ಅಮ್ಮನ ಓರಿಗೆಯವಳು. ಆಕೆ ಅಂತರ್ಜಾತಿ ವಿವಾಹವಾಗಿದ್ದಾರೆ. ಆದರೆ ಆಕೆಗೆ ಯಾವ ನಿರ್ಬಂಧವೂ ಇಲ್ಲ. ಸೀರೆಯೆಂದರೆ ಇಷ್ಟ. ಗಂಡನಿಗೆ ಸೀರೆಯಿಷ್ಟವಿಲ್ಲವೆಂದು ಆಕೆ ಚೂಡಿದಾರನ್ನೇ ಹಾಕುತ್ತಾರೆ. ಗಂಡನಿಗೆ ಇಷ್ಟವೆಂದು ನಾನ್ ವೆಜಿಟೇರಿಯನ್ ಆದ ಆಕೆ ವೆಜಿಟೇರಿಯನ್ ಆಗಿದ್ದಾರೆ. ಉಳಿದಂತೆ ಗಂಡನ ಮನೆಯ ಪೂಜೆ , ಹಬ್ಬಗಳಲ್ಲಿ ಭಾಗವಹಿಸುವುದಿಲ್ಲ. ಗಂಡನ ಮನೆಯ ರೀತಿ ರಿವಾಜುಗಳನ್ನು ಕಲಿತಿಲ್ಲ. ಅಥವಾ ಕಲಿಯುವುದೂ ಬೇಕಾಗಿಲ್ಲ. ಯಾಕೆಂದರೆ ಮಾವ , ಅತ್ತೆ ಅನ್ನಿಸಿಕೊಂಡವರು ಜನಿವಾರವನ್ನೂ ತೆಗೆದಿಟ್ಟು ಹೆಣ್ಣು ತಂದುಕೊಂಡ ದೊಡ್ಡ ಮನುಷ್ಯರು. ಗಂಡ ನಾನ್ ವೆಜ್ ತಿನ್ನಲು ಪ್ರಯತ್ನ ಪಟ್ಟಿದ್ದಾನೆ. ಆದರೆ ಸಂಸ್ಕಾರ ಬಿಟ್ಟಿಲ್ಲ. ಹಾಗಂತ ನೀವು ತಿನ್ನ ಬೇಡಿ ಎಂದು ಹೆಂಡತಿ ಮಕ್ಕಳಿಗೆ ಹೇಳಿಲ್ಲ. ಪೂಜೆ ಮಾಡು, ಮಡಿ ಮಾಡು, ತಮ್ಮ ಮನೆಯ ರೀತಿ ರಿವಾಜು ಕಲಿ ಎಂದೂ ಹೇಳಿಲ್ಲ. ಆದರೆ ಈಗ ಮದ್ವೆ ಡೈವೋರ್ಸ್ಗೆ ಬಂದು ನಿಂತಿದೆ. ಅಂತರ್ಜಾತೀಯ ವಿವಾಹವಾದ್ದರಿಂದ ಗಂಡ ಹೆಂಡತಿ ಇಬ್ಬರೂ ತಮ್ಮ ತಂದೆ ತಾಯಂದಿರ ಆಸರೆ ಬಯಸುವುದು ಸ್ವಲ್ಪ ಕಷ್ಟವೇ ಆಗಿದೆ. ಇಲ್ಲಿ ಯಾರದ್ದು ತಪ್ಪು?
ಹಾಗೇ ನಿನ್ನೆ ವಾಹಿನಿಯೊಂದರಲ್ಲಿ ಕಥೆ ನೋಡಿದೆ. ಅದರಲ್ಲಿ ಗಂಡ ಮೊದಲಿನ ಹೆಂಡತಿಯನ್ನು ಅಪ್ರಾಪ್ತ ವಯಸ್ಸಿನಲ್ಲಿ ಬಲವಂತಕ್ಕೆ ಮದ್ವೆಯಾಗಿದ್ದಾನೆ. ಹೆಂಡತಿಗೆ ತನ್ನ ಗಂಡನಿಂದಲೇ ಮಗುವೊಂದು ಬೇಕಾಗಿದೆ. ಆತನೊಂದಿಗೇ ಸಂಸಾರ ಮಾಡಬೇಕಾಗಿದೆ. ಹೆಂಡತಿಯನ್ನು ಬಿಟ್ಟು ಇನ್ನಾರನ್ನೋ ಮದ್ವೆಯಾಗಿ ತವರು ಸೇರಿದ ಹುಡುಗಿಯನ್ನು ಓಡಿಸಿಕೊಂಡು ಹೋಗಿ ತಾಳಿ ಕಟ್ಟಿದ್ದಾನೆ. ಸಾಲದೆಂಬಂತೆ ಮೂರು ಮಕ್ಕಳನ್ನೂ ನೀಡಿದ್ದಾನೆ. ಆದರೆ ಹೆಂಡತಿಯನ್ನು ಇಲ್ಲಿಯ ತನಕ ಮುಟ್ಟಿಯೂ ಇಲ್ಲ. ಇನ್ನು ಮುಂದೆಯೂ ಮುಟ್ಟುವುದಿಲ್ಲವೆನ್ನುತ್ತಾನೆ. ಇದಕ್ಕೆ ಕಾನೂನಿನ ಪ್ರಕಾರ ಬೈಗಾಮಿ ಕೇಸ್ ಆದರೆ ಆತ ಮತ್ತು ಎರಡನೆಯ ಹೆಂಡತಿ ಜೈಲಿಗೆ ಹೋಗುತ್ತಾರೆ. ಇಲ್ಲವೆಂದರೆ ಹೆಂಡತಿ ಎನಿಸಿಕೊಂಡವಳೊಂದಿಗೆ ಮೂರು ದಿನ, ಇಟ್ಟುಕೊಂಡವಳು ಎನಿಸಿದವಳೊಂದಿಗೆ ಮೂರು ದಿನ ಇರಬೇಕಂತೆ. ಇದು ನ್ಯಾಯ ಪಂಚಾಯತಿ. ಇದು ಸರಿಯಾ?
ನನಗನ್ನಿಸುತ್ತೆ :ಈ ಎಲ್ಲ ಸಮಸ್ಯೆಗಳಿಗೂ ಒಂದು ಮುಖ್ಯ ಕಾರಣ ಹಠ. ಮೊದನೆಯ ಕೇಸ್ ನಲ್ಲಿ ಅತ್ತೆ ಮತ್ತು ಸೊಸೆ ಇಬ್ಬರೂ ಹಠಬಿಟ್ಟು ಯಾರಾದರೂ ಒಬ್ಬರು ಜನರೇಶನ್ ಗ್ಯಾಪ್ ನ ಒಪ್ಪಿಕೊಂಡರೆ ಬದುಕು ಎಷ್ಟು ಸುಂದರವಾಗಬಹುದಿತ್ತು! ಎರಡನೇ ಕೇಸ್ ನಲ್ಲೂ ಅದೇ ಹಠ , ನಾನು ಗಂಡನ ಜಾತಿ ಯಾಕೆ ಅನುಸರಿಸಬೇಕೆಂದು ಹೆಂಡತಿ ಹಠ ಬಿಟ್ಟರೆ ಎಲ್ಲವೂ ಸರಿಯಾಗುತ್ತಿತ್ತೇನೋ! ಮೂರನೇ ಕೇಸ್ ನಲ್ಲೂ ಅದೇ ಹಠ! ಮದ್ವೆಯಾಗಿ ಹನ್ನೊಂದೂವರೆ ವರ್ಷದ ವರೆಗೂ ಗಂಡನಾಗದವನಿಂದ ಮಗುವನ್ನು ಪಡೆಯುವ ಹಠ, ಹೆಂಡತಿಯನ್ನು ಮುಟ್ಟುವುದೇ ಇಲ್ಲ ಎಂಬ ಗಂಡನ ಹಠ. ಎಲ್ಲಕ್ಕಿಂತ ವಿಚಿತ್ರವೆಂದರೆ ಕಾನೂನಿನ ಹಠ. ಮನುಷ್ಯ ಬದುಕಿಗೆ ಶಿಸ್ತು ನೀಡುವ ಕಂಕಣ ತೊಟ್ಟಿದ್ದೇನೆ, ಅದರಂತೆ ನಾನು ಹೇಳಿದಂತೆ ಕೇಳಿಯೇ ತೀರಬೇಕು ಇತರರು ಎಂಬ ಕಾನೂನಿನ ಹಠ. ಎಷ್ಟು ಮಜವಾಗಿದೆಯಲ್ಲವಾ?
ಇನ್ನೊಬ್ಬ ಗೆಳತಿ. ನನ್ನ ಅಮ್ಮನ ಓರಿಗೆಯವಳು. ಆಕೆ ಅಂತರ್ಜಾತಿ ವಿವಾಹವಾಗಿದ್ದಾರೆ. ಆದರೆ ಆಕೆಗೆ ಯಾವ ನಿರ್ಬಂಧವೂ ಇಲ್ಲ. ಸೀರೆಯೆಂದರೆ ಇಷ್ಟ. ಗಂಡನಿಗೆ ಸೀರೆಯಿಷ್ಟವಿಲ್ಲವೆಂದು ಆಕೆ ಚೂಡಿದಾರನ್ನೇ ಹಾಕುತ್ತಾರೆ. ಗಂಡನಿಗೆ ಇಷ್ಟವೆಂದು ನಾನ್ ವೆಜಿಟೇರಿಯನ್ ಆದ ಆಕೆ ವೆಜಿಟೇರಿಯನ್ ಆಗಿದ್ದಾರೆ. ಉಳಿದಂತೆ ಗಂಡನ ಮನೆಯ ಪೂಜೆ , ಹಬ್ಬಗಳಲ್ಲಿ ಭಾಗವಹಿಸುವುದಿಲ್ಲ. ಗಂಡನ ಮನೆಯ ರೀತಿ ರಿವಾಜುಗಳನ್ನು ಕಲಿತಿಲ್ಲ. ಅಥವಾ ಕಲಿಯುವುದೂ ಬೇಕಾಗಿಲ್ಲ. ಯಾಕೆಂದರೆ ಮಾವ , ಅತ್ತೆ ಅನ್ನಿಸಿಕೊಂಡವರು ಜನಿವಾರವನ್ನೂ ತೆಗೆದಿಟ್ಟು ಹೆಣ್ಣು ತಂದುಕೊಂಡ ದೊಡ್ಡ ಮನುಷ್ಯರು. ಗಂಡ ನಾನ್ ವೆಜ್ ತಿನ್ನಲು ಪ್ರಯತ್ನ ಪಟ್ಟಿದ್ದಾನೆ. ಆದರೆ ಸಂಸ್ಕಾರ ಬಿಟ್ಟಿಲ್ಲ. ಹಾಗಂತ ನೀವು ತಿನ್ನ ಬೇಡಿ ಎಂದು ಹೆಂಡತಿ ಮಕ್ಕಳಿಗೆ ಹೇಳಿಲ್ಲ. ಪೂಜೆ ಮಾಡು, ಮಡಿ ಮಾಡು, ತಮ್ಮ ಮನೆಯ ರೀತಿ ರಿವಾಜು ಕಲಿ ಎಂದೂ ಹೇಳಿಲ್ಲ. ಆದರೆ ಈಗ ಮದ್ವೆ ಡೈವೋರ್ಸ್ಗೆ ಬಂದು ನಿಂತಿದೆ. ಅಂತರ್ಜಾತೀಯ ವಿವಾಹವಾದ್ದರಿಂದ ಗಂಡ ಹೆಂಡತಿ ಇಬ್ಬರೂ ತಮ್ಮ ತಂದೆ ತಾಯಂದಿರ ಆಸರೆ ಬಯಸುವುದು ಸ್ವಲ್ಪ ಕಷ್ಟವೇ ಆಗಿದೆ. ಇಲ್ಲಿ ಯಾರದ್ದು ತಪ್ಪು?
ಹಾಗೇ ನಿನ್ನೆ ವಾಹಿನಿಯೊಂದರಲ್ಲಿ ಕಥೆ ನೋಡಿದೆ. ಅದರಲ್ಲಿ ಗಂಡ ಮೊದಲಿನ ಹೆಂಡತಿಯನ್ನು ಅಪ್ರಾಪ್ತ ವಯಸ್ಸಿನಲ್ಲಿ ಬಲವಂತಕ್ಕೆ ಮದ್ವೆಯಾಗಿದ್ದಾನೆ. ಹೆಂಡತಿಗೆ ತನ್ನ ಗಂಡನಿಂದಲೇ ಮಗುವೊಂದು ಬೇಕಾಗಿದೆ. ಆತನೊಂದಿಗೇ ಸಂಸಾರ ಮಾಡಬೇಕಾಗಿದೆ. ಹೆಂಡತಿಯನ್ನು ಬಿಟ್ಟು ಇನ್ನಾರನ್ನೋ ಮದ್ವೆಯಾಗಿ ತವರು ಸೇರಿದ ಹುಡುಗಿಯನ್ನು ಓಡಿಸಿಕೊಂಡು ಹೋಗಿ ತಾಳಿ ಕಟ್ಟಿದ್ದಾನೆ. ಸಾಲದೆಂಬಂತೆ ಮೂರು ಮಕ್ಕಳನ್ನೂ ನೀಡಿದ್ದಾನೆ. ಆದರೆ ಹೆಂಡತಿಯನ್ನು ಇಲ್ಲಿಯ ತನಕ ಮುಟ್ಟಿಯೂ ಇಲ್ಲ. ಇನ್ನು ಮುಂದೆಯೂ ಮುಟ್ಟುವುದಿಲ್ಲವೆನ್ನುತ್ತಾನೆ. ಇದಕ್ಕೆ ಕಾನೂನಿನ ಪ್ರಕಾರ ಬೈಗಾಮಿ ಕೇಸ್ ಆದರೆ ಆತ ಮತ್ತು ಎರಡನೆಯ ಹೆಂಡತಿ ಜೈಲಿಗೆ ಹೋಗುತ್ತಾರೆ. ಇಲ್ಲವೆಂದರೆ ಹೆಂಡತಿ ಎನಿಸಿಕೊಂಡವಳೊಂದಿಗೆ ಮೂರು ದಿನ, ಇಟ್ಟುಕೊಂಡವಳು ಎನಿಸಿದವಳೊಂದಿಗೆ ಮೂರು ದಿನ ಇರಬೇಕಂತೆ. ಇದು ನ್ಯಾಯ ಪಂಚಾಯತಿ. ಇದು ಸರಿಯಾ?
ನನಗನ್ನಿಸುತ್ತೆ :ಈ ಎಲ್ಲ ಸಮಸ್ಯೆಗಳಿಗೂ ಒಂದು ಮುಖ್ಯ ಕಾರಣ ಹಠ. ಮೊದನೆಯ ಕೇಸ್ ನಲ್ಲಿ ಅತ್ತೆ ಮತ್ತು ಸೊಸೆ ಇಬ್ಬರೂ ಹಠಬಿಟ್ಟು ಯಾರಾದರೂ ಒಬ್ಬರು ಜನರೇಶನ್ ಗ್ಯಾಪ್ ನ ಒಪ್ಪಿಕೊಂಡರೆ ಬದುಕು ಎಷ್ಟು ಸುಂದರವಾಗಬಹುದಿತ್ತು! ಎರಡನೇ ಕೇಸ್ ನಲ್ಲೂ ಅದೇ ಹಠ , ನಾನು ಗಂಡನ ಜಾತಿ ಯಾಕೆ ಅನುಸರಿಸಬೇಕೆಂದು ಹೆಂಡತಿ ಹಠ ಬಿಟ್ಟರೆ ಎಲ್ಲವೂ ಸರಿಯಾಗುತ್ತಿತ್ತೇನೋ! ಮೂರನೇ ಕೇಸ್ ನಲ್ಲೂ ಅದೇ ಹಠ! ಮದ್ವೆಯಾಗಿ ಹನ್ನೊಂದೂವರೆ ವರ್ಷದ ವರೆಗೂ ಗಂಡನಾಗದವನಿಂದ ಮಗುವನ್ನು ಪಡೆಯುವ ಹಠ, ಹೆಂಡತಿಯನ್ನು ಮುಟ್ಟುವುದೇ ಇಲ್ಲ ಎಂಬ ಗಂಡನ ಹಠ. ಎಲ್ಲಕ್ಕಿಂತ ವಿಚಿತ್ರವೆಂದರೆ ಕಾನೂನಿನ ಹಠ. ಮನುಷ್ಯ ಬದುಕಿಗೆ ಶಿಸ್ತು ನೀಡುವ ಕಂಕಣ ತೊಟ್ಟಿದ್ದೇನೆ, ಅದರಂತೆ ನಾನು ಹೇಳಿದಂತೆ ಕೇಳಿಯೇ ತೀರಬೇಕು ಇತರರು ಎಂಬ ಕಾನೂನಿನ ಹಠ. ಎಷ್ಟು ಮಜವಾಗಿದೆಯಲ್ಲವಾ?
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ